منتديات بصمة شباب
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.


سيتوقف المنتدى لفترة معينة بسبب الانشغال...تقبلوا اعتذارنا
 
الرئيسيةأحدث الصورالتسجيلدخول

 

  الموضوع الشامل للعبة SilkRoad Online

اذهب الى الأسفل 
كاتب الموضوعرسالة
أحمد شطا
شبابي مشرف
شبابي مشرف
أحمد شطا


عدد المساهمات : 106
تاريخ التسجيل : 06/10/2010
الجنس :  الموضوع الشامل للعبة SilkRoad Online  I_icon10
العمر : 25
الموقع : www.ahmedshatta.ba7r.org

 الموضوع الشامل للعبة SilkRoad Online  Empty
مُساهمةموضوع: الموضوع الشامل للعبة SilkRoad Online     الموضوع الشامل للعبة SilkRoad Online  I_icon_minitimeالإثنين أكتوبر 11, 2010 2:37 am


اولا احب اشكر جميع من شارك و ساعد فى كتابة هذا الشرح

هذا الشرح للمبتدئين فى سيلك روود

قمت بتخصيص موضوع كامل للمبتدئين في لعبة Silkroad online
و ذلك لكثرة الاسئلة حول اللعبة



قبل ان نبدأ ماذا تعني كلمة RPG ؟

- هي اختصار لـ Role Playing Game ... و هي العاب شيقة جدا و ذلك لأن نظامها يعتمد تقوية الشخصية او الاسلحة اوالدفاع اوالسحر على سبيل المثال. فمع مرور الوقت ترتبط بالشخصية اكثر و تشعر انك تربي حيوانا اليفا ... تخاف عليه و تطعمه عند الحاجة. و مع مرور الوقت تصبح الشخصية التي تلعب بها اقوى و اقوى من ذي قبل

و لعبة Silkroad تصنف من العاب الـ RPG
حتى تستطيع انت تلعب يجب ان يكون عندك جهاز ذي مواصفات قادرة على تشغيل اللعبة
و ايضا خط انترنت حتى تستطيع اللعب Online

و انبه ان اللعبة تلعب Online فقط



مميزات لعبة سيلك روود

1- من الالعاب الوحيدة على النت المجانية تماما و الى الابد و لا تحتاج مصاريف شهرية مثل world of warcraft او تحتاج شراء سى دى زى guild wars او حتى تحتاج donation زى mu cotienant او the crims و ال donation ده اكيد كان بيضايق كل الناس اللى غاويين العاب اونلاين لانه بيميز ناس عن ناس لكن فى اللعبة دى مفيش تمييز و مفيش donation , فاللعبة دى مجانية و ستظل مجانية .
و لكن يوجد بها فقط item mall او بمعنى اخر موول و هذا لراغبى التميز عن الاخرين فى اللعب و لكنه غير ضرورى للعب


2 - عدد الناس الرهيب اللى فى اللعبة لدرجة انك ممكن متشوفش قدامك فى المدن الرئيسية و يقدر عدد الاعبين بمئات الاف .

3- الجرافيك الاكثر من رائع اللى فى رايي يوازى ان لم يكن يتفوق على world of warcraft .

4- اسلوب القتال فى اللعبة ممتاز جدا و افضل من world of warcraft فى رايي .

5- كثرة عدد الشخصيات و الوظائف اللى ممكن تقوم بيها فى اللعبة .


6- اللعبة مبتقيدكش من البداية فى اختيار شخصية معينة و الالتزام بيها زى ال mage او ال warrior قى معظم الالعاب الاونلاين , بل على الع؟؟ .... طريقتك فى اللعب هو اللى بيدى لشخصيتك طابع مميز منفرد ليها ... و كل واحد يقدر يبنى شخصيته بشكل مختلف مع تطوره فى المراحل .


7- اسلوب التجارة فى اللعبة بيخليك مستمتع بكل item او weapon بتلاقيه ... لان كل حاجة ليها سعر فى اللعبة ... و الميزة فى اللعبة دى انك مش بتفضل تدلل على البضائع بتاعتك و تفضل مستنى حد يجى يشترى منك زى معظم الالعاب التانية .... لا انت بتعرض حاجاتك فى حاجة عاملة زى المحل بالاسعار اللى انت عايزها ... و كل الاعبين بيدخلوا محلك و يتفرجوا على حاجاتك و يشتروا اللى عايزينه و الفلوس تتحول اوتوماتيك لرصيدك .

8- اللعبة عمرها حديث ولكنها محققة شهرة عالمية واسعة جدا


9- اللعبة اونلاين 24 ساعة 7 ايام فى الاسبوع .

10- المحاكاة للواقع فى اللعبة رائع... فمع تغير الوقت بيتغير المناخ من ليل و نهار و غروب و مطر و اعاصير .


11- اللعبة فى تطور مستمر و منتظر اضافة
new skills, new weapons , new maps ,Two Races.





كيف تلعب اللعبة ؟

المرحلة الأولى

1- تحميل اللعبة






2- التسجيل فى الموقع الرسمى
- عشان تلعب لازم التسجيل فى الموقع الرسمى للعبة http://www.silkroadonline.net/

This image has been resized. Click this bar to view the full image. The original image is sized 930x622.




3- الدخول للعبة :
افتح اللعبة و هاتظهرلك الشاشة دى
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 700x419.
و بعدين تدخل و هاتكتب الباسوورد و اليوزر و تختار السيرفر



4 - كيفية عمل شخصية

بعد الدخول هاتضغط على Create الموجود تحت على اليمين و هاتظهرلك الشاشة دى


اختيارات الطول و الشكل و الوزن كل دى حاجات ترجعلك و الاختلاف فيها مش هايأثر فى حاجة المهمم هو اختيار نوع السلاح و اختيار نوع الملابس


5- مصطلحات مهمة :
char. : اختصار لكلمة character و هى الشخصية اللى هاتلعب بيها ..


NPC : أشخاص موجودة فى اللعبة و مش بتلعب .. بتديلك المهمات اللى تنفذها و تاخد جائزة على تنفيذها .

Mob : اللى هيا Monsters و دى الوحوش اللى هاتقابلها أثناء اللعب .

SP : skill points و هى النقط اللى بتتعللم بيها القوى السحرية .

XP : experience points و دى النقط اللى لما بتاخدها المستوى بتاعك بيعلى .

lvl : اللى هى level و ده المستوى بتاعك فى اللعبة ..

int : اختصار intelligence و ده عبارة عن القوة بتاعتك فى استخدام القوى السحرية .
( ممكن نقول فى بعض الاحيان MP ) : اختصار بيعبر عن القوة السحرية .

str : strenght و ده عبارة عن القوى الجسدية بتاعتك .
( ممكن نقول فى بعض الاحيان Hp


phy. : اختصار بيعبر عن القوة الجسدية .

mag. : اختصار بيعبر عن القوة السحرية .

لما نقول ( mag attack ) يبقى يعنى الضربة السحرية و لما نقول ( phy. attack ) يبقى يعنى الضربة الى بتعتمد فى قوتها على سلاحك فقط بدون سحر

لما نقول ( mag defence ) يبقى قوتك فى صد الضربه السحرية و أظن طبعا عرفت معنى ( phy defence )






7- ايه اللى هاتشوفه لما تدخل اللعبة ؟
هاقول " بعض " اللى هاتشوفه مش كل حاجة .. هاقول المهم فقط كبداية و تدريجيا هانزود المعلومات




status bar -1 : دى فيها المعلومات الخاصة بيك lvl و phy. power ( الشريط الأحمر ) و mag. power ( الشريط الازرق ).. شايف الدواير اللى جنب الصورة ؟ اللى فيهم 3 أحمر و الباقى فاضى ؟ دول لما بتحارب mobs ( وحوش يعنى ) بيزيدوا بالتدريج و لما توصل للدايرة الأخيرة تبقى لونها أحمر تدوس عليها هاتخش فى حاجة اسمها Daemon mode بتبقى أسرع و ضربتك أقوى لفترة معينة من الوقت


2- chat : ده الشات الخاص باللعبة اللى بنكللم بعض فيه و خد بالك ان مافيش كتابة عربى.
3- Sp bar : هاقوللك عليه كمان شوية.

4- XPbar : برده كمان شوية .

5- Shortcut bar : ده بقى بنحط فيه أى حاجة بنستخدمها كتير بحيث ان نستخدمها بالضغط على الرقم اللى مكتوب فى كل خانة.

6- mini map : طبعا واضح انها خريطة . ( السهم البرتقالى ) : ده انت .. ( الدوائر الزرقاء ) : دول ال NPC .. ( الدوائر الخضراء ) : دول اللاعبين التانيين.



** انت لما تموت وحش بيحصل 3 حاجات :
- تاخد SP points و طبعا زى ماقولنا ان دى بتستخدمها فى تعللم ال skills .
- تاخد Xp points و دى اللى بتعللى ال lvl بتاعك .
- بيقع من الوحش دهب و حاجات تانية كتير هاتعرفها لما تشوفها.



8- طب بعد كده هانعمل ايه فى اللعبة ؟
( أنظمة اللعب )
* Quests و دى المهمات اللى هاتنفذها فى اللعبة و على أساسها هتاخد rewards ...
مش هنتعرض لغير النظام ده دلوقتى لأنه هو المهم و هو اللى هاتكمل عليه لغاية lvl 20 .






9- ال quest log

اضغط على ( Q ) فى الكيبورد هايظهرلك و ده بيبقى مكتوب فيه المهمة اللى مطلوب تنفذها.






10- ال inventory ده بقى المكان المتاح ليك عشان تشيل فيه الدهب و الحاجات اللى بتاخدها من ال mobs اللى بتموتها اضغط على ( i ) فى الكيبورد و شوف الصورة دى ..




طب هانزود النقط على أساس ايه ؟ دى بقى أهم حاجة لازم تحددها من بداية اللعب و لازم تركز كويس انت عايز ايه لأن مش هاتعرف ترجع في كلامك بعد كده فى الموضوع ده .. الموضوع ده بقى اسمه ال Build .



صور لمزيد من الشرح
10- ال Character windowكل لما تعلى lvl بتاخد نقط عشان تزود بيها مستويات ال str و ال itr و ده بيبقى عن طريق ال Chra. window هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.
هذه الصورة بحجم اخر انقر هنا لعرض الصورة بالشكل الصحيح ابعاد الصورة هي 800x600.





11- ال Build
ال build يعنى ازاى هاتبنى الشخصية بتاعتك يعنى على أى أساس هاتضيف النقط اللى هاتاخدها كل lvl و هنا احنا عندنا كذا نوع من ال builds :

اول build هى ال pure str يعنى تخلى كل النقط بتاعتك str و ميزة الطريقة دى انها بتخلى ال hp بتاعك عالى جدا و ال defence بتاعك عالى جدا و ال phy dmg عالى جدا بس ال mag dmg قليل جدا
و قوة الشخصية دى بتظهر فى ال pvp او player vs player .

تانى build معانا هو ال pure int يعنى تخلى كل نقطك int و ميزة الطريقة دى ان ال mp بتاعك بيكون عالى جدا و السحر بتاعك قوى جدا بس ال hp بتاعك قليل جدا و ال defence قليل جدا و عيب الbuild ده انك ممكن تموت بسرعة لكن ميزه الرهيبه انك بتعمل dmg عالى قوى


اخر build و ده اللى مشهور اوى و هو ال hybrid و ده فى منه تلات انواع 1:2 و 2:1 و 1:1
و ده فى ناس بتسميه balanced او mixed و زى واضح من الاسم فده بيساوى بين ال str و ال int و ميزة الطريقة دى انها بتخلى ال lvl بتاعك يعلى بسرعة و قوية فى ال pvm او player vs mobs لكن ضعيفة فى ال pvp و ال guild wars .


** السؤال الشهير : مين أفضل ؟؟ و الاجابة الصح : ما أعرفش دى حاجة ترجعلك كل build و له مميزات و عيوب و شوف انت اللى يناسبك بس لازم توفق بين ال build و ال clothes بتاعتك ازاى ؟


-- واحد يقوللك أنا هابقى pure str. و هالبس Armor .. طب ليه تلبس Armor ؟ ما انت ؟أصلا هايبقى ال str. بتاعك عالى يبقى ليه تلبس ال Armor و هو بطىء جدا فى الحركة .. يا اما تلبس protector أو gremant و الأخير زى ما قولنا سريع جدا فى الحركة .

-- فى واحد كده تحس انه شيك قوى و لابس كلله germant و عمال شغال skills و هو pure itr. .. اسمحولى أقول ده أكبر غلط .. انت لما تبقى pure itr. بيبقى ال phy. deffence بتاعك قليل جدا تقوم كمان تنيلها و تلبس ال germant اللى هو كمان قليل phy. deffence ؟ الأفضل فى ال pure itr. انك تلبس Armor عشان يساعدك شوية فى الدفاع.




نيجى بقى لحاجة تانية مهمة و هى نوع اللبس بتاعك ....
فيه تلات انواع ملابس .....


اول نوع ال Armor و ده ال phy defence بتاعه عالى بس ال mag defence قليل
و كمان بيزود قدرتك الهجومية فى ال phy و ده ينصح باستخدامه اللى هيحط النقط بتاعته فى ال str اكتر او لو انت هتحارب لاعب بيستخد م ال str فهتحتاجه برضه و ملحوظة مهمة ال armor ابطء لبس فى الحركة

تانى نوع هو ال germant و ده ال mag defence بتاعه عالى بس ال phy def بتاعه قليل و بيزد قدرتك ال هجومية فى ال mag و ده بينصح باستخدامه للى هيتخخصوا فى السحر او لما تلاعب واحد متخصص سحر ... و ده اسرع لبس فى اللعبة.

اخر نوع بقى هو ال protector و ده الوسط بين الاتنين و اكيد بينصح بيه للناس اللى هتبقى hybrid او mix .




طب الاسلحة ؟

-اكيد طبعا كل واحد يختار السلاح اللي يحبه مع مراعاة الbuild بتاعه
مثلا : glavie blade يتميزون بقوة الضرب ال physical يبقى اكيد دول مع الشخصية pure str
spear sword يتميزون بقوة الضرب ال magical يبقى اكيد دول مع الشخصية pure int
bow و ده انا اعتقد انه المفروض يكون hybrid



السيف Swordو ده يفضل استخدامه مع السحر اكتر و يمتاز بقوته السحرية المتوسطة و قوته الphy الضعيفة
و السحر المضل معاه lighting كقوة اساسية و ال cold للمساعدة ...سريع فى الحركة لكن مداه قصي




نصل Bladeو ده يفضل استخدامه لو انت str اكتر لانه بيمتاز بقوته ال phy المتوسطة و ال mag الضعيفة
و ده يفضل معاه ال fire كقوة اساسية و ال lighting او cold كقوة مساعدة و زى السيف سريع فى الحركة و مداه قصير




الرمح Spearو ده برضه يفضل استخدامه مع السحر اكتر و يتميز بقدرته السحرية الاعلى من السيف و قوته الphy المتوسطة و ده افضل قوة ليه هى ال lighting و ممكن تاخد معاه ال cold مساعدة
و ال spear بطئ فى الحركة و مداه طويل



و ده افضل قوة ليه ال fire و ممكن تاخد معاه ال cold او lighting كقوة مساعدة و برضه بطئ فى الحركة و مداه طويل




القوس Bow

و ده قوته السحرية و ال phy متوسطين لكن ليه ميزة رهيبة و هى الضرب من مسافات بعيده و ليه عيب برضه و هو الاسهم بتاعته اللى لازم تكون محضرها معاك ... و ده يفضل جدا معاه ال cold اساسى و ال lighting مساعدة .




***فيه ناس اكيد هتسالنى عن ال Sword و ال Blade ايه اللى مخليهم اضعف من ال Spear و ال Glaive .....و ده لان ال sword و ال blade ليهم ميزة رهيبة جدا اسمها ال shield
و ال shield ده ساعات بيغير مجرى الحرب فى اوقات كتير لانه ممكن يعمل block لهجمة بكاملها و لما تعلوا فى ال lvl هتعرفوا فايدة انكوا تصدوا هجمة بكاملها زى هجمات ال nukes مثلا




ناقص اتكلم عن نبذة مختصرة عن كل force ....


ال Lighting : و ده ال dmg بتاعه قوى جدا و ممكن ينقل الكهرباء لناس حواليك لو انت بتحارب اكتر من وحش و ده بتعتبر ميزة و عيب فى نفس الوقت لانك ممكن لما تنقل الكهرباء لوحوش كتير هتلاقيهم كلهم اتلموا عليك
حاجة تانية ال lighting ممكن يخلى اللى انت بتحاربه يوصل لحالة ال shocked او ال palarlized او اقوى ميزة لل lighting هى انه بيدى سرعة اكتر للسلاح اللى بتستخدمه .



ال fire : و ده ليه قوة ها ميزة مهمة جدا و هى ال burn و دى ممكن تخلى عدو يحترق و تنقص صحته اوتوماتيك بالتدريج و النوع ده مفيد جدا للناس اللى هتستخدم اسلحة كبيرة زى ال spear و ال glaive و تقريبا يعتبر اقوى dmg فى كل القوى بسبب الخاصية دى ....



ال cold : و ده كل الناس بتخاف منه فى مباريات ال pvp و ده لانه عنده خاصيتين قويين جدا و هما ال frost bite و ال freezing الاول بتبطئ عدوك جدا و التانية بتجمده و دول بيفيدوا جدا فى عمل اكبر dmg مع ان ال cold يعتبر اقل القوى فى ال dmg ....




ال force : و ده القوة العلاجية فى اللعبة و ممكن اى حد يستخدمه مع اى سلاح فمعاه تقدر ترجح صحتك او صحة اصحابك بل كمان ممكن تحيي واحد من اصحابك اللى ماتوا .. و مزايا تانية كتير بس كلها مزايا دفاعية اقل منها هجومية ....



ملحوظة: الاختيارات اللى انا كتبتها دى مجرد ارشادات ليك ... يعنى مش لازم تلتزم بيها ممكن تجرب كل الاسلحة و كل القوى و تشوف انت مرتاح مع ايه و حاسس انك هتتميز فيه ... فى الاخر دى شخصيتك انت و اختياراتك هى اللى هتخلى ليها شكل خاص ...



كيف تقوم ببيع الـ items ؟

-ازاى تفتح محل و تبيع و تشترى

اول حاجة تدوس حرف A هيطلعلك حاجات كتير تهتار حاجة اسمها open stall

هيطلعلك رسالة تكتب فيها اسم المحل ( تكتب اللى انت عايز يعنى مثلا cheap او good items او حتى بجنيه و نص تعالى بص )

المهم بعد ما تكتب اسم المحل هتلاقى المحل بتاعك اتفتح , تبدا بقى تحط الحاجات اللى انت عايز تبيعها و تحط لكل حاجة السعر اللى انت عايزه ( طبعا متغليش السعر اوى عشان الناس تيجى تشترى منك )

و بس بعد ما تحط كل حاجة هتلاقى فى حاجة فوق اسمها open stall تدوس عليها و هتلاقى الناس جت تتفرج ع المحل بتاعك

عجبتهم بضاعتك و اسعارك هيشتروا منك
Glavie و ده قوته ال phy اعلى من ال blade و قوته ال سحريه متوسطة ... و ينصح باستخدامه مع الstr





ما هي الـ Party ؟

-ال party هو روح كل العاب MMPORG لانه بيدى معنى للمشاركة و التعرف على اصدقاء ... و فى لعبتنا دى فى تلات انواع party او ممكن نخليهم اربع انواع ...

اول نوع هو exp each get ... items distribution... و النوع ده هو المنتشر لانه لا يسمح بالتشارك فى الexp و ال drops او ال loots فكل واحد بياخد ال exp و ال items اللى بيلاقيها بدون ما يشارك فيها مع حد ... الميزة الوحيدة فى البارتى دى هى ال bonus exp
يعنى بتاخد exp زيادة شوية عن ال exp بتاعتك مقابل انك عملت party ...
و النوع ده من ال party مينفعش يزيد عن اربع اشخاص



تانى نوع هو exp auto share ... item distribution
و النوع ده بيخلى كل الشتركين فى ال party يتقاسموا ال exp اللى بيحصلوا عليها مع بعض
يعنى نفرض ان ال party فيها 10 اشخاص و ال 10 دول قتلوا 200 وحش ال 200 وحش دول ال exp اللى طلعت منهم تتقسم عليهم بالتساوى ... بس طبعا فيه قيود ... لازم تكون فى مسافة قريبة من ال party يعنى لو بعدت عنهم هتلاقى لونك اتغير و ده معناه انك مش هتاخد اىexp و لو صاحب ال party لقاك قاعد مبتحاربش و بتعمل زكى و بتاخد exp ببلاش ممكن يطردك
و النوع ده ميزته انه بياخد عدد كبير من الناس بس عيبه اللى معظم الناس مبتحبوهش انه بيحسسك انك فى نظام شيوعى ... يعنى ممكن واحد يقتل وحوش كتير وواحد تانى يقتل وحش واحد و فى الاخر بيتشاركوا مع بعض ... عشان كده النوع ده بيتنفذ بين الاصحاب لما يكونوا عايزين يحاربوا وحش قوى ...



النوع التالت بقى هو exp auto share items auto share
و زى ما واضح من الاسم فانتوا مش بس بتتشاركوا فى ال exp ده انتوا كمان بتتشاركوا فى الدهب و ال items اللى بيقع من الوحوش .... و النوع ده نادر اوى انوا يستخدم لان مفيش حد بيرضى يشارك الدهب و ال items مع حد تانى ....



النوع الرابع اكيد هيكون exp distribution... item auto share
و طبعا عرفتوا معناه ايه من غير ما اشرحوا



نيجى بقى لحاجة تانية مهمة جدا برضة فى اللعبة اسمها ال Enchanting

انت ممكن تخلى ال lvl بتاع ال item بتاعتك اقوى من الlvl بتاعها بالكيمياء او ال Alchemy

اكيد كتير منكوا شاف حاجات اسمها elixers
فيه elixers weapon >>>> و ده بيستخدم مع الاسلحة


elixers shield >>> و ده بيستخدم مع الدروع

و دول بردوا لو لقيتوهم متبعهمش لان ليهم اسعار خاصة

و دول بيخلوا الitem +1 +2+3+4+5+6+7+8+9
و كل ما الرقم يزيد تلاقى لو السلاح بيتغير يعنى مثلا +3 ........... white glow
+4 ......... white glow
+5............ purple glow
+6..........purple glow
+7 +8....... gold glow
+9 ........... blue glow

و على فكرة ممكن تلاقوا item من دول فى ال drop برضه متبعهمش عشان بيكون ليهم سعر خاص

نيجى بقى لطريقة عمل الحاجات دى ... تدوس A بعين تختار Alchemy و تحط ال item اللى انت عايز تخليه + و تحط معاه ال elixer اللى من نفس نوعه و عشان تزود نسبة النجاح ممكن تحط معاه lucky powder بس تكون من نفس درجة ال item يعنى لو مثلا ال item 3rd degree تحط lucky powder 3rd لو 4th يبقى 4th

بعد كده تدوس fuse ....و تنتظر مصير ال item بتاعتك
يا اما هيحصل ...


يعنى مثلا لو انت كنت +4 تلاقى نفسك بدل +5 بقيت +0


فيه بقى حاجات بتزود نسبة نجاح ال enchantemnt هتلاقوها مكتوبة تحت كل item زى

Steady - The object will not lose stats if it fails. Rather it will just remain where it was.
Lucky - The object has a greater chance of a successful enchanting.
Immortal - The object can not break if enchanting fails.






و لتحميل الشرح كااااامل فى ملف Word






اتمنى ان الموضوع يكون نال اعجابكم

الرجوع الى أعلى الصفحة اذهب الى الأسفل
 
الموضوع الشامل للعبة SilkRoad Online
الرجوع الى أعلى الصفحة 
صفحة 1 من اصل 1
 مواضيع مماثلة
-
» مهم ... كيفية وضع فيديو في الموضوع
» صدقني راح تقرا الموضوع مرتين
» الموضوع سامج لكن لازم تشاركـ
»  Heroes of Might and Magic online | PC | Beta | 1.34 GB على أكثر من سيرفير بإسم المنتدى

صلاحيات هذا المنتدى:لاتستطيع الرد على المواضيع في هذا المنتدى
منتديات بصمة شباب :: استراحة بصمة شباب :: ركن الألعاب الحركية والذهنية-
انتقل الى: